სარჩევი

რა არის არმაგედონი?

(გამოცხადება 19:11-16) 11 ვიხილე გახსნილი ცა და, აი, თეთრი ცხენი. მასზე მჯდომს ერთგული და ჭეშმარიტი ეწოდება. ის სიმართლით ასამართლებს და სიმართლით იბრძვის. 12 მისი თვალები ცეცხლის ალია, თავზე მრავალი გვირგვინი ადგას და აწერია სახელი, რომელიც მის მეტმა არავინ იცის, 13 აცვია სისხლიანი მოსასხამი და მისი სახელია ღვთის სიტყვა. 14 მას მიჰყვებოდა თეთრ ცხენებზე ამხედრებული თეთრი, სუფთა, ძვირფასი სელის სამოსლით შემოსილი ზეციერი ლაშქარი. 15 მისი პირიდან დიდი ბასრი მახვილია გამოშვერილი, რათა დასცეს ის ხალხებს, და რკინის კვერთხით დამწყემსავს მათ. ის წნეხს ყოვლისშემძლე ღვთის რისხვის მძვინვარების საწნახელსაც. 16 მას მოსასხამზე ბარძაყთან აწერია სახელი — მეფეთა მეფე და უფალთა უფალი.

სად მოხდება არმაგედონი?

(ლუკა 21:34-36) 34 დაუკვირდით საკუთარ თავს, რომ გული არ დაგიმძიმდეთ გადამეტებული ჭამა-სმითა და ცხოვრებისეული საზრუნავით და მოულოდნელად არ დაგატყდეთ ის დღე 35 როგორც მახე, რადგან ის დედამიწის ყველა მცხოვრებს დაატყდება. 36 მაშ, იფხიზლეთ და მუდამ იმის ვედრებაში იყავით, რომ თავი დააღწიოთ მოსახდენს და წარსდგეთ კაცის ძის წინაშე“.

ვინ დაიღუპება არმაგედონში?

(2 თესალონიკელები 1:6-10) 6 ღვთის მხრიდან სამართლიანია, გასაჭირი მიუზღოს მათ, ვინც თქვენ გაგდებთ გასაჭირში, 7 ხოლო თქვენ, გასაჭირში ჩაცვენილებს, მოგიზღოთ შვება ჩვენთან ერთად, როცა უფალი იესო ზეციდან თავისი ძლიერი ანგელოზებითურთ გამოგვეცხადება 8 აბრიალებულ ცეცხლში და შურს იძიებს მათზე, ვინც არ იცნობს ღმერთს და ვინც არ ემორჩილება სასიხარულო ცნობას ჩვენი უფლის იესოს შესახებ. 9 ისინი სასჯელად მარადიულ განადგურებას მიიღებენ, გაქრებიან უფლის სახისგან და მისი ძლიერების დიდებისგან 10 იმ დროს, როცა ის მოვა, რათა განდიდდეს თავის წმინდებს შორის და აღაფრთოვანოს ყველა, ვისაც სწამს, რადგან ჩვენი დამოწმება რწმენით მიიღეთ.

ვინ გადარჩება არმაგედონის დროს?

(იგავები 2:20-22) 20 ამას იმიტომ გეუბნები, რომ კარგი ადამიანების გზით იარო და მართალთა გზებზე დარჩე, 21 რადგან მართლები დაიმკვიდრებენ დედამიწას და უმწიკვლოები დარჩებიან მასზე, 22 ხოლო ბოროტები მოისპობიან დედამიწიდან და ვერაგები აღმოიფხვრებიან მისგან.

შეიძლება ნეიტრალური პოზიციის დაკავება?

როდის დაიწყება არმაგედონის ომი?

(1 თესალონიკელები 5:1-3) 5 რაც შეეხება დროებსა და ვადებს, ძმებო, არ არის საჭირო, ამაზე რამე მოგწეროთ. 2 თქვენ თვითონაც კარგად იცით, რომ იეჰოვას დღე ზუსტად ისე მოვა, როგორც ღამე ქურდი. 3 როცა ილაპარაკებენ, მშვიდობა და უსაფრთხოებაო, მაშინ დაატყდებათ თავს მოულოდნელი განადგურება, როგორც ორსულ ქალს — მშობიარობის ტკივილები, და თავს ვერ დააღწევენ.

რა უნდა გავაკეთო არმაგედონში გადასარჩენად?

(1 პეტრე 4:7) 7 მოახლოვდა ყველაფრის დასასრული. ამიტომ საღად იაზროვნეთ და ლოცვაში სიფხიზლე შეინარჩუნეთ.

(იოანე 17:3) 3 მარადიული სიცოცხლის მისაღებად უნდა გეცნობოდნენ შენ, ერთადერთ ჭეშმარიტ ღმერთს, და მას, ვინც შენ გამოგზავნე, იესო ქრისტეს.

(იოანე 14:23) იესომ მიუგო: „ვისაც ვუყვარვარ, ჩემს სიტყვას დაიცავს და მამაჩემიც შეიყვარებს მას. მივალთ და დავმკვიდრდებით მასთან.

(1 ტიმოთე 6:14) სუფთად და ბრალდაუდებლად დაიცვა მცნება ჩვენი უფლის იესო ქრისტეს გამოცხადებამდე,

(1 იოანე 3:23) მისი მცნება კი ის არის, რომ გვწამდეს მისი ძის, იესო ქრისტეს სახელი და გვიყვარდეს ერთმანეთი ისე, როგორც მან დაგვიდო მცნებად.

(საქმეები 18:10) შენთანა ვარ და ვერავინ აღმართავს ხელს შენს საზიანოდ, რადგან ამ ქალაქში ბევრი ხალხი მყავს“.

რატომ ქადაგებენ იეჰოვას მოწმეები?

ქადაგებით ხალხს ვასწავლით ღვთის კანონებს და პრინციპებს

(მათე 28:19, 20) 19 ამიტომ წადით და მოწაფეებად მოამზადეთ ხალხი ყველა ერიდან, მონათლეთ ისინი მამის, ძისა და წმინდა სულის სახელით, 20 ასწავლეთ მათ ყველაფრის დაცვა, რაც მცნებად დაგიდეთ. და აი, მე ყოველდღე თქვენთან ვარ ქვეყნიერების აღსასრულამდე“.

(მარკოზი 6:7-12) 7 მოუხმო თორმეტს, რომ ორ-ორად გაეგზავნა, და მისცა ძალაუფლება უწმინდურ სულებზე. 8 მითითებებიც მისცა, რომ ხელჯოხის მეტი გზაში არაფერი წაეღოთ: არც პური, არც საგზლის აბგა, არც სპილენძის ფული სარტყლით; 9 სანდლები შეეკრათ და გამოსაცვლელი ტანსაცმელი არ წაეღოთ. 10 შემდეგ უთხრა მათ: „რომელ სახლშიც შეხვალთ, იქ დარჩით, სანამ წამოხვალთ იმ ადგილიდან. 11 სადაც არ მიგიღებენ და არ მოგისმენენ, იმ ადგილიდან წამოსვლისას მათთვის დასამოწმებლად ფეხებიდან ჭუჭყი დაიბერტყეთ“. 12 ისინიც წავიდნენ და ქადაგებდნენ, რათა ხალხს მოენანიებინა.

(ლუკა 9:4-6) 4 რომელ სახლშიც შეხვალთ, იქ დარჩით და იქიდანვე გააგრძელეთ გზა. 5 ხოლო სადაც არ მიგიღებენ, იმ ქალაქიდან გამოსვლისას ფეხებიდან მტვერი დაიბერტყეთ მათ წინააღმდეგ დასამოწმებლად“. 6 ისინიც წავიდნენ, იმ მიდამოებში მდებარე სოფლები მოიარეს და ყველგან აუწყებდნენ სასიხარულო ცნობას და კურნავდნენ ავადმყოფებს.

ქადაგებით ხალხს საშუალება ეძლევა გაიგონ უფრო მეტი იეჰოვას შესახებ 
ქადაგებით ვეხმარებით ადამიანებს გაიცნონ ღმერთი

(ფს 83:18) რათა იცოდეს ხალხმა, რომ შენ, რომლის სახელიც არის იეჰოვა, მხოლოდ შენა ხარ უზენაესი მთელ დედამიწაზე!

ქადაგებით საშუალება გვეძლევა მოვძებნოთ ღირსეული ადამიანები

(მათე 10:11-15) 11 რომელ ქალაქში ან სოფელშიც არ უნდა შეხვიდეთ, მოძებნეთ ღირსეული და წასვლამდე იქ დარჩით. 12 სახლში შესვლისას მიესალმეთ ოჯახს 13 და თუ სახლი ღირსია, მშვიდობა, რომელიც თქვენ უსურვეთ, მიუვიდეს მას, ხოლო თუ არ არის ღირსი, თქვენი მშვიდობა თქვენვე დაგიბრუნდეთ. 14 სადაც არ მიგიღებენ ან არ მოისმენენ თქვენს სიტყვებს, იმ სახლიდან ან ქალაქიდან გამოსვლისას ფეხებიდან მტვერი დაიბერტყეთ. 15 ჭეშმარიტებას გეუბნებით: სოდომისა და გომორას მიწისთვის უფრო ადვილი ასატანი იქნება სასამართლოს დღე, ვიდრე იმ ქალაქისთვის.

(საქმეები 20:20) თავი არ დამიზოგავს თქვენთვის, გიყვებოდით ყოველივე სასარგებლოს და გასწავლიდით სახალხოდ და კარდაკარ,

ქადაგება შესაძლებლობას აძლევს ადამიანებს გადარჩნენ არმაგედონის დროს და თუ ვინმე ვერ გადარჩება ღმერთს ვერავინ დაადანაშაულებს 

(იოელი 2:32) 32 და ყოველი, ვინც იეჰოვას სახელს უხმობს, გადარჩება, რადგან სიონის მთაზე და იერუსალიმში იქნებიან გადარჩენილები, როგორც იეჰოვამ თქვა; ისინი იქნებიან იმ გადარჩენილთა შორის, რომლებსაც იეჰოვა მოუხმობს».

(რომაელები 10:11-21) 11 წმინდა წერილი ამბობს: „არავის გაუცრუვდება იმედი, ვისაც სწამს იგი“. 12 არ არსებობს განსხვავება იუდეველსა და ბერძენს შორის, რადგან უფალი ყველასთვის ერთია. ის გულუხვია ყველასთვის, ვინც მას უხმობს. 13 „ყოველი, ვინც იეჰოვას სახელს უხმობს, გადარჩება“. 14 მაგრამ როგორ მოუხმონ მას, ვინც არ ირწმუნეს? ან როგორ ირწმუნონ ის, ვის შესახებაც არ სმენიათ? ან როგორ მოისმინონ, თუ არავინ უქადაგა? 15 ან როგორ იქადაგონ, თუ არავინ გაგზავნა? როგორც დაწერილია: „რა მშვენიერია კარგის მახარობელთა ფეხები!“ 16 მაგრამ ყველა როდი დაემორჩილა ამ სასიხარულო ცნობას, რადგან ესაია ამბობს: „იეჰოვა, ვინ ირწმუნა ჩვენგან მოსმენილი?“ 17 ამრიგად, რწმენა მოსმენილისგან მოდის, მოსმენილი კი — ქრისტეს შესახებ სიტყვისგან. 18 მაგრამ გეკითხებით: განა არ მოუსმენიათ? „მთელ დედამიწაზე გაისმა მათი ხმა, მსოფლიოს კიდით კიდემდე — მათი სიტყვები“. 19 კვლავ გეკითხებით: განა ისრაელმა ვერ გაიგო? ჯერ მოსე ამბობს: „შურს აღგიძრავთ მათი მეშვეობით, ვინც ერად არც კი ითვლება; ძლიერ რისხვას აღვძრავ თქვენში უგუნური ერის მეშვეობით“. 20 ესაია კი დიდი გაბედულებით ამბობს: „ვინც არ მეძებდა, მათ მიპოვეს, ვინც არ მკითხულობდა, მათთვის გავხდი ცხადი“. 21 ისრაელის შესახებ კი ამბობს: „მთელი დღე გაწვდილი მქონდა ხელი ხალხისკენ, რომელიც მეურჩება და სიტყვას მიბრუნებს“.

ქადაგებახალხს საშუალებას აძლევს მოინანიონ ცოდვები და გადარჩნენ

რადგან აღსასრულის დროს მხოლოდ ღვთის ხალხი გადარჩება

(მათე 13:49) ასე იქნება ქვეყნიერების აღსასრულის დროსაც: გამოვლენ ანგელოზები, ბოროტებს მართლებისგან გამოაცალკევებენ

(მათე 13:39) მტერი, რომელმაც ის დათესა, ეშმაკია, მკა — ქვეყნიერების წყობის აღსასრული, მომკელები კი ანგელოზები არიან.